ДЮРДЬОВ – Всоботу, 15. октобра, у сали Задружного дому у Дюрдьове отримани 15. Гуманитарни концерт „Дюрдьовске дзецинске стретнуце”, на хторим госци були дзеци з Дзецинского валалу у Сримскей Каменїци, хторим и була наменєна тота гуманитарна акция.
На концерту участвовали фолклорни ансамбли „Вила” з Нового Саду и „Митеви фолк” з Македониї, Шпивацка ґрупа „Дюрдєвак” з Дюрдьова, дзеци з Дзецинского валалу и оркестер КУД „Тарас Шевченко” з Дюрдьова.
Цали приход од уходнїцох наменєни Дзецинскому валалу, а у тей гуманитарней акциї и того року участвовал Подмладок Червеного крижу дюрдьовскей ОШ, чийо члени за Дзецински валал назберали поживу – кромлї, цибулю, мархву, пасулю, яблука, дунци з маджуном и жимнїцу.
Орґанизаторе Гуманитарного концерту и збераня поживи були Основна школа „Йован Йованович Змай” и КУД „Бранислав Нушич” з Дюрдьова.