Помоц за оправянє чкоди у нападнутих обєктох

автор сен
1k Опатрене

НОВИ САД – Власнїком обєктох хтори очкодовани у вандалских нападох после инциденту на фодбалским змаганю медзи Сербию и Албанию вчера додзелєни контракти з хторима Покраїнска влада помогнє оправянє тих обєктох.

За помоц Покраїнска влада видвоєла 5,7 милиони динари и наменєни су за оправянє обєктох у Новим Садзе, Суботици, Вершцу, Зомборе, Старей Пазови и Бечею. Контракти додзелєли предсидатель Покраїнскей влади Боян Пайтич и подпредсидатель Мирослав Васин.

Понеже векшина власнїкох очкодованих обєктох албанскей националносци, предпоставя ше же напади були праве пре националну нєцерпезлївосц.

– Жадаме указац же Покраїнска влада, а верим и власц у Сербиї, опредзелєна за нулту толеранцию за насилство и мержню. Сцеме указац же акти мержнї то инциденти, а нє правило, то ексцеси з хторима ше абсолутно нє складаме, хтори нє маю потримовку велькей векшини людзох котри жию у Сербиї и Войводини – гварел з тей нагоди Боян Пайтич.

ПОВЯЗАНИ ТЕКСТИ