НОВИ САД – У рамикох Проєкту директного ублажованя худобства, Город Нови Сад обезпечел 1 200 поживово, 1 200 гиґиєнски пакети и 600 кубики древа за огриву, хтори дати до новосадского Червеного крижу.
Помоц уручел городоначалнїк Нового Саду Милош Вучевич и з тей нагоди гварел же ше цеши же город указал солидарносц, а вше єст людзох котрим помоц потребна, та би шицки мали робиц на ришованю таких проблемох. Вучевич визначел же медзи шицкима локалнима самоуправами у Сербиї, Нови Сад дава найвецей средства за социялну защиту, коло 1,2 милиярди динари.
Секретар Червеного крижу Нови Сад Драґан Лазич гварел же окрем такей помоци Город финансує и роботу народней кухнї у хторей ше каждодньово пририхта 600 порциї и запакує коло 800 полудзенки, а того року помагали и центром хтори примали миґрантох, та другим установом.