Помоц од Покраїнскей влади достанє и Союз самостойних синдикатох у Вербаше

автор сен
790 Опатрене

НОВИ САД – У наиходзацим периодзе Покраїнска влада социялно загроженим гражданом Войводини поможе з пакетами з поживовима продуктами з покраїнских робних резервох, одлучене стреду, 10. юния, на схадзки Покраїнскей влади.

Таки заключеня ушлїдзели после вимоги Канцелариї за инклузию Ромох АП Войводини же би ше помогло хасновательом социялно загроженим припаднїком ромскей националней меншини, котри жию у чежких условийох. Одлучене же ше до местох дзе то потребне, як єднократну помоц пошлє вєдно 10 000 пакети, у вредносци до 25 000 динари.

У чежкей материялней ситуациї ше нашли и припаднїки Союзу самостойних синдикатох Општини Вербас, та им Покраїнска влада пошлє 827 пакети, вредносци до 2 500 000,00 динари.

На схадзки Покраїнскей влади бешедоване и о реаґованю у можлївих гаварийох на водоводних системох у локалних самоуправох, та у таких случайох Покраїнска влада до општинох будзе посилац два моблни фабрики води, пре подмирйованє жительства зоз здраву воду за пице.

ПОВЯЗАНИ ТЕКСТИ