Пописованє обєктох на поли

автор сас
1.1k Опатрене

ДЮРДЬОВ – У жабельскей општини попис нєзаконїто збудованих обєктох закончени у Ґосподїнцох, а после вецей як мешац роботи на терену, того тижня у Дюрдьове пописани обєкти у пол валала. По Законє о озаконєню обєктох, у исти час ше пописує и обєкти у Жаблю и Чуроґу.

– Обовязка пописовачох евидентовац шицки нєзаконито збудовани обєкти на териториї општини. Попис од явного интересу, та гражданє обавязни пущиц пописовачох до обисца – гварела предсидателька Комисиї за попис нєзаконїто збудованих обєктох Општини Жабель и шеф Служби за инспекцийни роботи Општини Оливера Влайков и додала же дотераз нє було случаї же гражданє нє пущели пописовачох до обисца, но велї нєупутени же тирва таки попис, та после толкованя нє було проблеми.

Попис идзе спомалшено, бо векшина гражданох нє ма порихтану документацию, гоч у шицких валалох о тим поообвисцоване прейґ плакатох и леткох.

Гражданє у котрих пописоваче ище нє були, можу ше приявиц ґу будовательному испекторови Служби за инспекцийни роботи у Општини Жабель кажди роботни дзень од 7 до 15 годзин, на телефон 021/210-22-81. Випольня формулар и буду сиґурни же їх обєкти пописани.

Кед же гражданє затрацели будовательне дошлєбодзенє, дупликат можу превжац у Служби за Урбанизам Општини.

Попис нєлеґално збудованих обєктох ма буц закончени по 27. новембра того року, а   Влайкова рахує же будзе пописане коло 95 одсто обєктох, понеже оценєте же у коло  5 одсто обєктох гражданє жию у иножемстве, лєбо на другей адреси.

ПОВЯЗАНИ ТЕКСТИ