Породзилїще у Вербаше достало апарат за преверйованє слуха бебох

автор зам
1.4k Опатрене

ВЕРБАС – Породзилїще у Общим шпиталю Вербас вчера достало апарат за преверйованє слуха при бебох, у рамикох Гумантираней акциї „Шерцо за дзеци”, хторей циль же би шицки породзилїща у Сербиї достали спомнути апарат.

Вербаскому породзилїщу уручени трицец штварти скрининґ-апарат у спомнутей акциї, хторей покровитель Министерство здравя Републики Сербиї, а медийни партнер Радио-телевизия Сербиї (РТС).

Окончовательови длужносци началнїка Ґинеколоґиї и акушерства з неонатолоґию Общого шпиталю др Драженови Тимотиєвичови донацию придали новинарка и водителька Раншей програми и емисиї „Културни дньовнїк” на РТС Ирина Ивич и редактор Акциї „Шерцо за дзеци” Блиц-фондациї Велимир Перович.

Апарат вчера подаровани и породзилїщу у Бачкей Тополї.

ПОВЯЗАНИ ТЕКСТИ