РУСКИ КЕРЕСТУР – У Руским Керестуре вчера посадзени 60 древка билей тополї, на пажици коло ткв. озерка коло беґелю, а садзенє орґанизовало ЯКП „Руском”.
Древка посадзели роботнїки котри у керестурским ЯКП анґажовани прейґ явних роботох, а младнїки билей тополї Месна заєднїца ище скорей засадзела на єдно место, и тераз доросли за розсадзованє. Коло 15 древка охабени за подсадзованє.
Як Рутенпрес дознава од директора „Рускому” Иґора Фейдия, медзи древками буду поставени справи за вежбанє на отвореним, а на подписану инициятиву вецей заинтересованих младих Керестурцох.