КОЦУР – Швето Св. Валентина и Св. Трифуна Културно просвитне дружтво „ДОК” на ютре у Коцуре означи з вецей активносцами, а єдна з нїх будзе и представянє нового числа часопису „Ерато над Коцуром”.
„Ерато над Коцуром” будзе представене на 19 годзин у валалскей библиотеки, а промоция будзе провадзена з литературним вечаром пошвеценим св. Валентинови, односно Дню залюбених.
На 20 годзин у просторийох Дому култури у Коцуре, на чесц св. Трифуна будзе винови коктел, на хторим госци годни коштовац три файти вина.
Вечар будзе закончени з рочну, виберанкову Скупштину КПД „ДОК”, хтора будзе отримана у велькей сали Дому култури на 21 годзин. Понеже терашньому руководству виходзи мандат, на Скупштини будзе вибране нове, лєбо будзе предлужени мандат терашньому руководству.