БИКИЧ – После розваркох у Шидзе, предсидатель Вивершного добору Националного совиту (НС) Руснацох Желько Ковач, предсидателька Одбору за културу Ґабриєла Саянкович и секретар НС Таня Арва Планчак, вовторок, 30. юния нащивели и Бикич, дзе бешедовали з кординатором Подручней канцелариї (ПК НС) у тим месце Деяном Бобальом, котри и предсидатель Културно-просвитного дружтва ,,Иван Котляревски”, як и представителями спомнутого дружтва.
Як и у Шидзе, и у Бикичу бешедоване о питаньох вязаних за образованє, културу, информованє и службене хаснованє руского язика и писма, дзе домашнї представительох Совиту поинформовали о стану у їх дружтве и месце и дали вецей предкладаня.
Порадзене и же би по двойо школярох зоз Шиду, Бачинцох и Бикичу од 20. по 26.юлий участвовали у роботи Лєтнєй школи у Попрадзе, у Словацкей Републики.
Представителє НС нащивели и новоотворени Пасторални центер и етно-виставу у Бикичу, а до ПК, односно КПД, придали дарунок – малюнок Владу Нярадия
