Поставени справи за вежбанє на отвореним

автор сен
1k Опатрене

РУСКИ КЕРЕСТУР – На просторе коло озерка у Руским Керестуре вчера поставени справи за вежбанє на отвореним, познати як „Street workout”. Иницияторе за тот поцаг млади Керестурци, котри з помоцу рижних спонзорох з валалу и Явного комуналного подприємства „Руском”, направели вежбальню на отвореним.

– Идея настала влонї, понеже у Керестуре єст досц леґиньох котри вежбаю и котри ше интересовали за вежбальню на отвореним, алє аж тераз нам ше удало найсц место за справи, обезпечиц финансиї и людзох котри их поставя – гварел єден з иницияторох поставяня вежбальнї Иґор Фейди.

15-Spravi-02

Реализация вежбальнї коштала коло 30 000 динари, алє проєкт з векшей часци и волонтерски, та мож повесц же є орґанизовани на уровню валалу. Кед ше укаже потреба и кед людзе буду заинтересовани, на тим просторе годно покласц ище справи, наявели иницияторе.

Можебуц за тото и будзе потреби, бо пре файти вежбох яки ше виводзи на поставених справох, буду их хасновац преважно хлопи, а нє и жени.

15-Spravi-03

ПОВЯЗАНИ ТЕКСТИ