КОЦУР – Школски одбор ОШ „Братство-єдинство” у Коцуре пияток, 26. юния, потвердзел одлуку о виборе Славици Байор за з директора Школи на штиророчни мандат. Байорова дотераз була окончователька длужносци директора.
На схадзки бешедоване и о средствох котри Школа достала на основи конурсу од Покраїнского секретарияту за образованє, так же достати 403 100 динари буду вихасновани за купованє нових лавкох, карсцельох и орманчикох до учальньох.
Школа достала и 60 000 динари за друкованє своєй фотомоноґрафиї з нагоди означованя 250-рокох образованя у Коцуре, но понеже видаванє моноґрафиї будзе драгше, Школа будзе глєдац спонзорох за єй друкованє.
На схадзки поведзене и же 20. юлия почню роботи на вибудови лєтнєй учальнї на отвореним, хтору направя волонтере з Голандиї, чию помоц Школа достанє прейґ лаицкого пастора Євангелскей церкви у Коцуре Александра Суботина.