Потребни безпечнєйши условия за роботнїкох

автор сен
647 Опатрене

СЕРБИЯ – Оценєте же коло 400 000 роботнїки у Сербиї робя у нєбезпечних условийох, а Закон о здравю и безпечносци на роботи, хтори би мал реґуловац тоту обласц, роботодавателє часто потупюю пре мали кари, визначене прешлого тижня на Реґионалним форуме о безпечносци и здравю на роботи.

– Главна причина то насампредз велька учасц „шивей економиї”, дзе держава нє може контроловац безпечносц роботнїка, алє и вельке число подприємствох у рестуктуованю, хтори технолоґийно заостати и маю коло 300 000 роботнїкох котри доставаю минималну млацу, лєбо анї тото – гварел гварел секретар Ради Союзу самостойних синдикатох Сербиї Зоран Михайлович.

Вон поручел же таки стан нєприлаплїви, же треба зменшац „шиву зону” и злєпшац тарґовище роботи. Таки стан у тей обласци у Сербиї уж длуго присутни и нєпреривно заоставаме за жемами Европскей униї.

Економисти гваря же ремеселнїцки роботи и услуги, менши оправки и роботи у обисцох пракса и у розвитших державох. Медзитим, у Сербиї велька часц економиї праве у „шивей зони”, а преходзенє до леґалних цекох то вельки потенциял за полнєнє буджету Сербиї.

 

ПОВЯЗАНИ ТЕКСТИ