НОВИ САД – Покраїнска влада потрима инициятиву Националного совиту (НС) Ромох же би тота национална заєднїца основала Завод за културу Ромох, гварел покраїнски премиєр Боян Пайтич после вчерайшого стретнуца з предсидательом НС Ромох Воїславом Михайловичом и другима чолнїками ромскей заєднїци.
Пайтич визначел же Покраїнска влада прихильна шицким миром и активносцом хтори допоможу очуваню култури и идентитету шицких националних заєднїцох хтори жию у Войводини, а ґу тому, прейґ пакету социялних мирох и програмох, окреме помага припаднїком ромскей заєднїци же би злєпшали свойо положенє у дружтве и економски статус.
Образованє ключ за лєпши живот Ромох, гварел Пайтич и здогаднул же на Универзитету у Новим Садзе нєшка студираю вецей як 400 припаднїки тей заєднїци.