НОВИ САД – Покраїнски секретар за польопривреду, водопривреду и лєсарство Вук Радоєвич вчера уручел контракти 44-им польопривреднїком котри достали безповратни средства за софинансованє набавки конструкцийох и опреми за рошлїнску продукцию у завартим просторе. З тима инвестициями у Войводини будзе ище 47 981 квадратни метери под пластенїками.
Як гварел Радоєвич, у 2016. року за дзвиганє и набавку опреми за пластенїки уложени 51 милион динари, а пенєж достали 176-еро польопривреднїки. Укладаня оможлївели же би под пластенїками було вєдно 213 002 квадратни метери.
– И у 2017. року предлужиме потримовац дзвиганє пластенїкох и набавку опреми за нїх, прето же слово о мири хтора доприноши интензивнєйшей польопривредней продукциї – гварел Радоєвич.