НОВИ САД – Пре розвой информацийних технолоґийох и їх применьованє у обласци польопривреди, провадзенє и защиту еко-системох, та потребу же би ше дошло до нових наукових спознаньох у тих обласцох, Покраїнска влада на вчерайшей схадзки потримала снованє Институту БиоСенс – виглєдовацко-розвойного институту за информацийни технолоґиї еко-системи.
Плановане же ше з деканом Факултету технїчних наукох (ФТН) у Новим Садзе подпише спорозуменє о снованю того Институту, потим Покраїнска влада порихта Предкладанє покраїнскей скупштинскей одлуки о його снованю и прида на одлучованє Скупштини АП Войводини.
На вчарайшей схадзки Покраїнска влада утвердзела Предкладанє о виробку Просторного плану подручох за наводньованє Сриму, а одноши ше на териториї општинох Шид, Сримска Митровица, Индїя, Ириґ, Стара Пазова, Печинци, Рума и на часц општини Бачка Паланка.