ЧЕРВИНКА – Як преноши портал Наше место, Компания „Патент” у Червинки отворела Виглєдовацко-едукативни центер (ИЕЦ), цо допринєше унапредзенє квалитету продуктох тей компаниї, алє и черанку знаня и преношенє искуствох з обласци управяня зоз сучаснима фармами и у хаснованю модерней опреми, з чим ше жада посцигнуц високу продуктивносц и економичну продукцию.
„Патент” уж роки запровадзує огляди на комерциялних фармох, а з отвераньом ИЕЦ своїм партнером понука потримовку у уводзеню технолоґийох на фарми, у одвитуюцей системи управяня з фарму, обраховйованю капацитетох, економским спатраню фарми, запровадзованю превентивних мирох, здравственей защити и другим.
Як сообщела тота компания, окремна увага пошвецена сучасним технїчно- технолоґийним ришеньом през порядне усовершованє кадрох, сотруднїцтво з водзацима домашнїма и иножемнима институциями и черанку знаня.
