Почала вибудов нєдоставаюцей канализациї

автор зам
931 Опатрене

КУЛА – У Кули вовторок, 1. марца почала вибудов нєдоставаюцей канализациї, а роботи почали у улїци Якова Иґнятовича и як гварел заменїк предсидателя Општини Кула Велибор Милоїчич, у тей фази буду вибудовани 3,5 километри канализацийней мрежи.

– То лєм початок велькей роботи хтора будзе закончена з поставяньом цалосней канализацийней мрежи у Кули и Червинки, а потим и з приключованьом на главни колектор за пречисцованє одпадних водох Кула-Вербас – гварел Милоїчич, наглашуюци же з тим будзе ришени и вельки еколоґийни проблем – заґадзеносц беґелю Беґеяц, хтори преходзи и през Кулу, а улїва ше до Велького бачкого беґелю.

7-Kula-02За тоту значну роботу локална самоуправа опредзелєла 600 милиони динари, терашня фаза кошта 23 милиони динари, мала би буц закончена за 4 мешаци, а окончує их БП „Будователь НС”.

ПОВЯЗАНИ ТЕКСТИ