СЕРБИЯ – По доставаню сертификату о квалитету з Аґенциї за лїки и медицински средства Сербиї, Институт за вирусолоґию, вакцини и серуми „Торлак“ почал дистрибуовац пейцвалентни вакцини „Пентаксим“ до шицких домох здравя у Сербиї.
Вакцини увежени з Французкей, а количество хторе тих дньох сцигло до Сербиї будзе достаточне за идуци три мешаци, гварел директор Аґенциї Саша Ячович, за аґенцию Танюґ, и додал же у маю, лєбо юнию, плановане нове увоженє тих вакцинох.
Дистрибуция почала всоботу, 14. марца, а з Институту сообщене же до домох здравя тих дньох будзе послате 66 050 дози „Пентаксиму“, вакцини хтора служи за превенцию дифтериї, тетануса, велького кашлю, дзецинскей парализи и хемофилуса типа „б”, а за хтору анализи указали же су квалитетни, ефикасни и безпечни.