Почала кампаня „Вашу амбалажу за рециклажу”

автор апм
953 Опатрене

ВЕРБАС – У Вербаше пияток почала кампаня „Вашу амбалажу за рециклажу” („Вашу амбалажу у рециклажу”) хтору вєдно витворюю Явне комуналне подприємство „Комуналєц”, компания за рециклажу пластики „Greentech” и компания „Секопак” з Нового Саду.

По контракту хтори подписали три подприємства, општина Вербас достала 50 нови метални контейнери за зазберованє ПЕТ фляшох и конзервох и 30 пластични канти за одкладанє скла.

То будзе перши раз же ше на подручу вербаскей општини орґанизовано зазберує амбалажне скло, а канти буду поставени у погосцительсних обєктох, дзе такей амбалажи єст найвецей.

Як наявене, плановане и отримованє едукативних роботньох у образовних установох, же би ше и наймладших жительох општини упознало з важносцу одкладаня одпаду до наменских контейнерох и на яки способ то уплївує на защиту животного штредку.

ПОВЯЗАНИ ТЕКСТИ