КОЦУР – Вчера у Коцуре почал Фестивал фолклору Руснацох и других националних заєднїцох „Коцурска жатва 2015”, а тирва и нєшка, 11. юлия. „Kоцурска жатва” почала з Благодарну Службу Божу з нагоди 25-рочнїци снованя домашнього КУД „Жатва” на 18,30 г. у церковней сали, а Службу служел о. Михайло Шанта.
Окрем членох КУД, на Служби присуствовали и госци зоз Словацкей и представителька Општини Вербас Єлена Збучнович, як и други парохиянє.
По законченю Служби о. Шанта благословел хлєб упечени з тогорочного жита, хтори тримали тройо дзеци облєчени до руского народного облєчива, а хтори, як то звичай, на ютре будзе придати представительом Општини.
На концу одшпиване многолїтствиє за КУД „Жатва” и єй аматерох.
Вецей фотоґрафиї на правим боку нашого сайту у окремней ґалериї з Фестивалу „Коцурска жатва 205”.