Почали жимски преподаваня за польопривреднїкох

автор сен/зам
879 Опатрене

РУСКИ КЕРЕСТУР – Вчера у Руским Керестуре почали уж традицийни жимски преподаваня за польопривреднїкох на хторих годни достац фахово совити о продукциї заградкових рошлїнох, овоци, та индустрийних културох. Преподаваня од вчера и нєшка орґанизую Здруженє паприґарох „Capsicum anuum” и подприємство „Юарбис”, а у фебруаре почню и преподаваня у орґанизациї подприємства „Аґрохома”.

Перше преподаванє вчера орґанизовало Здруженє паприґарох у Ресторанє „Червена ружа”, хторе було добре нащивене, а представени компаниї „Agroferticrop”, „Savacoop” и „Agrounic”. Преподавателє обрацели увагу на значносц анализи жеми и дїлованє у складзе з єй физичнима и хемийнима характеристиками.

Идуце преподаванє у орґанизациї паприґарох будзе на ютре на 17 годзин, тиж у Ресторанє „Червена ружа”, а будзе слова о нашеню паприґи, прикармйованю и наводньованю.

Нєшка на 10 годзин у сали „Юарбису” почина Жимска школа за польопривреднїкох и на першим преподаваню компания „Пионир” представи гибриди кукурици и слунечнїку, а „Аґриматко ґруп” гної и пестициди. Жимска школа будзе пиятками на 10 г., та уж на поютре, 15. януара, у сали „Юарбису” буду отримани презентациї продуктох трох компанийох.

7-Zim_skola-02

ПОВЯЗАНИ ТЕКСТИ