БИКИЧ – Вчера почали роботи на ушореню Дому култури у Бикичу у рамикох пририхтованя за Централну преславу националного швета Руснацох у тим месце 14. януара 2017. року.
По словох предсидателя Совиту Месней заєднїци Деяна Бобаля, на Доме култури буду заменєни облаки и дзвери, обилєна сала зоднука и звонка (положена фасада), а у кухнї долу буду положени цегелки.
Бобаль додал же тоти роботи финансує Општина Шид з милион динари.