НОВИ САД – Вчера почала манифестация „Новосадске БИҐ дзецинске лєто 5“, хтора до 28. авґуста на 25 локацийох понукнє дзецом коло 280 програми.
Под час лєтнього розпусту дзеци годни нащивиц музеї, ґалериї, участвовац на креативно-едукативних роботньох на хторих ше упознаю з уметнїцкима дїлами, старима ремеслами и другим. Орґанизаторе наявели и активносци з хторима дзецом буду представени язики и култури националних меншинох, та шветово язики, як цо то анґлийски, нємецки, французки и китайски.
За векшину програмох дзецко треба приявиц, а воно у єдним дню може участвовац лєм на єдней активносци. Програми и роботнї углавним безплатни, а лєм дзепоєдни буду коштац 150 динари.