КОЦУР – Тих дньох у Коцуре почал одкуп лупаней кукурици з чардакох, а у валалє ю мож предац на двох одкупних местох.
Кукурицу уж даскельо днї одкупює подприємство „Салкорп” з Нового Саду, а понеже у Коцуре нє ма маґазин, пре предаванє ше треба явиц до їх польопривредней апатики у центре валалу, та по кукурицу пошлю камион.
Од вчера лупану кукурицу одкупює и подприємство „Либела продукт” зоз Змаєва, у своєй роботней єдинки у Коцуре.
На обидвох одкупних местох кукурицу одкупюю по 16 динари за кґ, а на виплацованє ше чека даскельо днї.