НОВИ САД – Штредком априла на териториї цалей АП Покраїни почала централизована акция пирсканя лїчинкох суньоґох.
Третмани ше окончую у складзе зоз резултатами достатим од Польопривредного факултету Нови Сад, хтори провадзи зявеня и численосц лїчинкох. Акция пирсканя будзе окончована з воздуху з билоґийнима, а зоз жеми зоз хемийнима препаратами.
Акция пирсканя будзе окончована по конєц септембра на вецей заводи, на вкупней поверхносци од 103 300 гектари.
Покраїнски секретарият за урбанизем и защиту животного штредку, спред Покраїнскей влади, початком рока послал допис шицким локалним самоуправом у АП Войводини же би благочасово почали поступки явней набавки потребних средствох и пирсканя суньоґох.