ДЮРДЬОВ – Од прешлого тижня на вецей местох у центре валалу и на главней драги у Дюрдьове мож купиц познати дюрдьовски ґереґи и динї. Ґереґи тераз од 30 до 35 динари, а динї 40 динари за килу.
По конєц прешлого тижня у Дюрдьове могло купиц лєм увозни ґереґи з Македониї и Греческей, а вец почало и масовнєйше предаванє домашнього бостану. На початку дюрдьовски ґереґи коштали 40 динари за килу, а зоз звекшаньом понукнуца, цена и домашнїх и увозних ґереґох спадла.
Як гваря продукователє, познєйши ґереґи буду сладши, бо достали вецей слунка и менєй дижджу, як терашнї вчасни.