РУСКИ КЕРЕСТУР – Здруженє младих „Пакт Рутенорум” розписало поволанку за участвованє на тогорочней Мултимедиялней манифестациї младих „Дньовка”, хтора будзе у першей половки новембра. Приявиц ше можу млади до 33 роки, зоз шицких наших местох.
На „Дньовки” ше мож представиц з поезию и прозу (хтору пречита автор, лєбо дахто у його мено), стенд-ап комедию, танцом, та музичнима точками. Орґанизаторе гваря же шпиваче можу интерпретовац руску, сербску и странску музику, алє пре врацанє ґу „старей” ориґиналней „Дньовки”, було би добре кед би учашнїки направели и виведли свойо авторски тексти и музику.
Приявиц ше мож по 1. новембер на е-адресу dnjovka.rk@gmail.com, потим прейґ посиланя поруки на „Дньовков” Фейсбук бок, лєбо ше мож особнє, директно приявиц дакому з членох „Пакту”.