НОВИ САД – Пре випитованє функционованє технїчней системи, Явне комуналне подприємство „Новосадска цепларня” штредком того тижня почала ткв. цепли проби зогриваня, хтори буду тирвац по початок сезони зогриваня, преноши РТВ.
Хаснователє най померкую чи им функционую инсталациї за зогриванє, а у случаю чуреня треба явиц до одвичательней служби на число телефону 4881-105. Пре значносц и швидкосц интервенциї, тото число за прияви на розполаганю 24 годзини.
За шицки други информациї хаснователє можу безплатно наволац на числа 0800-100-021, 423-712 и 420-853, лєбо особнє присц до Одсеку за одношеня з трошителями
(Владимира Николича 1), роботним дньом од 7,30 до 15 годзин.