НОВИ САД – Прешлого тижня обток на Продукней берзи у Новим Садзе бул 1 194 тони, цо два раз вецей як тидзень пред тим, а финансийна вредносц тарґованя була 41 84 милиони динари.
Прешлого тижня почало тарґованє з тогорочну кукурицу по 17,6 динари за кґ, цо значно нїзше у одношеню на цену прешлорочного роду.
Зазначени и перши робно-берзански контракт за слунечнїк нового роду, та обток бул 500 тони, по 45,65 динари за килограм.
На тарґовищу жита подписани лєм єден контракт и то за 450 тони, чия цена 20,9 динари за килограм.
На Продуктней берзи ше тарґовало и зоз сою у зарну, чий обток бул 175 тони, а штредня цена 45,29 динари, цо за 3,26 одсто вецей як тидзень пред тим.