НОВИ САД – Заменїк городоначалнїка Нового Саду Борко Илич пияток, 27. децембра, у центре городу отворел манифестацию Новорочни пияц.
Илич поволал Новосадянох най и того року нащивя вецей манифестациї хтори ше по 31. децембер отримує на площи за Католїцку порту.
Новорочни пияц вєдно орґанизую ЯКП „Тржница” и Город Нови Сад, а кажди дзень од 17 до 22 годзин на велькей бини буду културно-уметнїцки програми.
Од 17 до 18 годзин програма наменєна наймладшим, а од 18 до 22 буду наступац тамбурово оркестри и познати виводзаче народней и забавней музики.