Почал проєкт информованя польопривреднїкох о ИПАРД фондох

автор апм
841 Опатрене

КУЛА/ВЕРБАС – Реґионална розвойна аґенция Бачка, у сотруднїцтве з Европским рухом Нови Сад, почала витворйованє проєкту Европски фонди за сербску польопривреду, у рамикох хторого польопривреднїки буду информовани о перших трох мирох ИПАРД програми. Преподаваня вчера почали у Кули, а буду и у Вербаше.

Циль проєкту дзвиганє уровню информованосци польопривреднїкох о можлївосцох хтори обезпечує ИПАРД фонд и лєпше розуменє процесох европских интеґрацийох Сербиї, а партнере на проєкту 13 локални самоуправи у Бачкей.

Хаснователє проєкту ношителє реґистрованих польопривредних ґаздовствох и у септембру, попри у Кули и Вербаше, преподаваня буду орґанизовани за польопривреднїкох у Жаблю, Тителю, Бачкей Паланки, Беочину, Бечею, Србобрану, Бачким Петровцу, Сримских Карловцох и у Зомборе.

ПОВЯЗАНИ ТЕКСТИ