Починаю „Античово днї“

автор сен
661 Опатрене

НОВИ САД – У Културним центре Нового Саду на ютре почина тродньова, осма манифестация „Античово днї“, на чесц єдного з найпознатших сербских писательох Мирослава Антича. Змисти манифестациї того року пошвецени означованю 50-рочнїци першого виданя Античовей популарней збирки писньох „Била канджурка“ („Плави чуперак”).

У рамикох програми буду орґанизовани трибини младих, вистава виданьох „Билей канджурки“, промоция кнїжки „Дзевец фарби Банату“, вистава дзецинских рисункох з подобового конкурсу „Кажде ма свою билу канджурку“, додзельованє наградох за найлєпши роботи, та стретнуце рецитаторох котри вибрани на конкурсу „Кажде свою тайну ма“. На соботу, 14. марца, будзе преглашени тогорочни добитнїк Награди „Мирослав Антич“.

На манифестациї буду участвовац визначни писателє, та особи з културного живота, як цо то Милан Бєлоґрлич, Бошко Петров, Ненад Шапоня, Дьордє Д. Сибинович, Деян Матич и други.

ПОВЯЗАНИ ТЕКСТИ