ДЮРДЬОВ – На пондзелок, 11. мая, почина робиц и Предшколска установа „Дюрдєвак“ у Дюрдьове.
До оводи, по одлуки Министерства просвити, науки и технолоґийного розвою, можу почац ходзиц дзеци чийо обидвойо родичи роботно анґажовани, а котри нє маю можлївосц робиц од дому. Друге условиє котре дзецко треба же би сполнєло, то же муши буц здраве. Родичи буду мушиц принєсц потвердзенє зоз шпиталю (нє старше як 7 днї) о здравственим стану дзецка.
Велїх нових мирох ше предшколска установа, алє и родичи, буду мушиц притримовац як цо ношенє защитних маскох, рукавицох и водзиц рахунка о социялней дистанци.