СЕРБИЯ – Загрожени катеґориї гражданох ше до конца марца могли приявиц за доставанє сет-топ боксох, прейґ хторих годни провадзиц диґиталну телевизийну програму. Понеже перше гашенє аналоґного сиґналу будзе 15. априла у Вершцу, од нєшка почнє дзелєнє 5 000 ваучерох гражданом Вершцу и сушедних местох, сообщене з Министерства тарґовини, туризму и телекомуникацийох.
Гражданом котри маю право на безплатни сет-топ бокс ваучер сцигнє на хижну адресу, а будзе назначене и дзе треба пойсц по тот апарат. Ище вше ше обрабя податки о чишлє приявених, а нєурядово, ваучери би мали достац коло 138 000 гражданє.
За найзагроженши ґаздовства обезпечени 160 000 ваучери, а од 800 000 до милион ґаздовства буду мушиц купиц сет-топ бокси, хтори коштаю 3 000 динари, пише вчерайши „Блиц“.
После Вершцу, аналоґни сиґнал будзе загашени у зони Суботица-Зомбор, потим у Кикинди, та зони Чот-венєц, Авали, Руднику итд. Понеже термини гашеня поменяни, ище вше ше нє познате кеди тo будзе зробене.