ЖАБЕЛЬ/ДЮРДЬОВ – У Општини Жабель у шицких штирох местох у авґусту буду порядни виберанки за членох совитох месних заєднїцох.
У Дюрдьове од нєшка, кажди роботни дзень од 8 до 15 годзин, при секретарови Месней заєднїци мож превжац формулар за кандидатуру, за цо потребне назберац найменєй дзешец подписи потимовки гражданох, а кандидат подпише и вияву о прилапйованю кандидатури.
За кандидованє потребне и потвердзенє о виберацким праву, хторе ше достава у Општинскей управи у Жаблю, як и документ о месце пребуваня, цо ше достава у Полицийней станїци у Жабель.
Кадидованє тирва од 12. по 22. юлий, а кандидатуру у МЗ мож придац кажди роботни дзень од 17 до 20 годзин.
Виберанки буду 7. авґуста, а до Совиту дюрдьовскей МЗ ше вибера 11 членох.