Почина „Коцурска чутка”

автор тах/зам
836 Опатрене

КОЦУР – У орґанизациї Културно просвитного дружтва „ДОК” з Коцура, нєшка и на ютре будзе отримани ювилейни, Дзешати Фестивал гумору и сатири „Коцурска чутка”.

Нєшка, 27. новембра, на 18 г. у Библиотеки будзе представена двоязична кухарка (по сербски и по руски) Александра Деветка „Златни заренка веселосци”. Ту будзе и вистава подобових роботох з нагоди ювилею „Коцурскей чутки”, а на 19 г. у Доме култури будзе виведзена гумористична монодрама по сербски „Перша малженска ноц” Миодраґа Караджича,  а у режиї Радоя Раонича. Ґлуми Михайло Воїнович.

На ютре, 28. новембра, под час Фестивалу на 10 г. у ОШ „Братство єдинство” почню турниру у пикаду и шаху, у рамикох Спортских бавискох „Яша Баков”, а на 17 г. у Доме култури будзе манифестация дзецох „Коцурска чуточка”.

Главна програма – „Коцурска чутка” – на ютре почнє на 18 г. у Доме култури, на хторей буду преглашени и найлєпши роботи з конкурсу КПД „ДОК” на шлєбодну, и з тему „Ґенетска модификация. На тей програми буду вибрани и найлєпши роботи на руским язику у конкуренциї за „Соцкийову награду”, найлєпша карикатура, та найдлугша чутка, а наявене и отримованє е-вистава карикатурох.

Исти дзень на 20 г. у Доме култури Драмски студио Руского културного центру з Нового Саду одбави представу „Круцина” Танкреда Дорста, у режиї Звонимира Павловича.  По представи, на 21,15 г. у Огньогасним доме будзе поставени кукурични етно-стол.

Фестивал „Коцурска чутка” уключени до гуманитарней акциї у местох вербаскей општини „Новембер за Ену”.

ПОВЯЗАНИ ТЕКСТИ