НОВИ САД – Нєшка почина Медзинародни фестивал уметнїцкей музики – Новосадски музични шветочносци (НОМУС), хтори будзе тирвац по идуци вовторок, 28. април. На 19 годзин опрез главного уходу до Синаґоґи будзе увод до отвераня Фестивалу, а потим го урядово отвори Фестивалски оркестер „Номус”, хтори будзе водзиц познати анґлийски дириґент Ларс Фоґт. Фоґт ше на концерту у Новим Садзе представи и як дириґент и як пияниста.
Окрем уметнїцкей музики, на Фестивалє буду представени и рижни сценски форми.
Цена уходнїци 500 динари, а мож их купиц кажди дзень од 8 до 14 годзин у просторийох Музичней младежи (Католїцка порта 2/2), як и два годзини пред програму, на месце єй отримованя.
НОМУС орґанизує Музична младеж Нового Саду, з потримовку Городу Нови Сад и Институту Ґете.