БЕОҐРАД – Аґенция за приватизацию нєшка ма обявиц явни поволанки за предаванє перших медийох у державним власнїцтве, з вєдно 72.
Термин за їх предаванє 1. юлий, алє з медийох поручую же пре вименки Закона о приватизациї, хтори важаци од конца мая, тот поступок годзен буц закончени аж на єшень.
Кед державни медиї нє достаню нових власнїкох на час, приватизация будзе претрагнута, а безплатни акциї буду понукнути занятим.
Нови власнїки приватизованих медийох буду мац обовязку затримац занятих и пейц роки од подписованя контракту о предаваню обезпечиц континуитет у продукциї медийских змистох од явного интересу.
Медиї хтори програму емитовали и на язикох националних меншинох, тоту дїялносц буду мушиц зачувац.