ШИД – Од нєшка, 8., та по 15. май, Червени криж у Шидзе орґанизує традицийну манифестацию Тидзень Червеного крижу.
Нєшка од 8 до 12 годзин у просторийох Червеного крижа будзе отримана акция за добродзечних давательох креви, источашнє у Куковцох будзе отримани Базар здравя, а у Предшколскей установи „Єлица Станивукович-Шиля” почнє отримованє роботньох о охрани од тарґовини з людзми.
По словох референтки у Червеним крижу Душици Полетан, на пондзелок би делеґацию добродзечних давательох креви мал прияц предсидатель Општини Никола Васич.
Наступни днї плановане и додзельованє припознаньох школяром за найлєпши литературни и подобово роботи з тему „Крев живот значи”, як и приєм волонтерох и сотруднїкох Червеного крижу.