КУЛА – Предсидатель Општини Кула Драґан Трифунович пияток, 12. фебруара, з Будовательним подприємством „Будователь” („Градитељ”) з Нового Саду подписал контракт о вибудови нєдоставаюцей канализациї у Кули, у улїцох И. Л. Рибара, Д. Максимович, Ф. Киша и Я. Иґнятовича.
Вредносц роботох скоро 19,5 милиони динари, а мали би буц закончени за 120 роботни днї.
То будзе перша з вецей инвестицийох з хторима конєчно будзе ришени проблем з канализациями у Кули и Червинки, як и заґадзеносц „Беґейцу”.
Пошвидко будзе розписана и явна набавка за вибудов поцискуюцого воду Червинка-Кула, а за ришованє того вецейдеценийного проблему у кулскей општини буду видвоєни коло 600 милиони динари.