РУСКИ КЕРЕСТУР – У парохиї св. оца Миколая ище три днї, по 18. януар, тирва пошвецанє обисцох зоз богоявлєньску воду, хторе почало такой по швету Богоявлєнє, 7. януара.
Пошвецена уж велька векшина валала, нєшка ше пошвеца доми вирних на Каналскей улїци и Старим збегньове, на ютре на Теметовскей, Войводянскей и на Новим Збегньове, док на пияток 18. януара пошвецанє будзе закончене у улїцох Орос Ґабра, Якима Салонтая и Сивч Йовґена, як и на Вашарскей ґу шору Сивч Йовґена.
Пошвецанє окончую троме домашнї священїки – парох о. Михайло Малацко, и капеланє о. Владимир Медєши и о. Михайло Шанта. Под час пошвецаня домох нє роби канцелария у парохийним уряду.