Пошвидко законченє каплїчки на теметове

автор клї
807 Опатрене

МИКЛОШЕВЦИ – Дзекуюци Општини Томповци, у Миклошевцох при концу вибудов каплїчки на руским теметове и уж єй под закрицом.

Будованє каплїчки почало прешлого року, а укладана до того обєкту виноша коло милион куни, гварел началнїк Општини Томповци Томислав Паненич.

Будованє окончує будовательне подприємство „Ватмонт” з Винковцох и дотераз закончени тишлїрски роботи, санитарни ґузел и полїпени цегелки. Остало положиц електричну струю, фасаду и ушориц приходну дражку, а роботи би мали буц закончени за мешац.

Од 1. мая Комуналне подприємство „Еко Янковци” з Нових Янковцох одвичательне за услуги хованя на месних теметовох на подручу Општини Томповци, а од 1. януара идуцого року шицки гражданє буду плациц рочну порцию за отримованє гробного места, хтора будзе 20 куни по гробе.

 

 

 

ПОВЯЗАНИ ТЕКСТИ