КУЛА – Директор Филияли Националней служби за обезпечованє роботи (НСЗ) Зомбор Секула Танєвич и предсидатель Општини Кула Драґан Трифунович початком того тижня подписали Спорозуменє о витворйованю Програми мирох активней политики обезпечованя роботи у 2015. року, за цо обезпечени нє цали 5,5 милиони динари.
У финансованю мирох активней политики обезпечованя роботи Општина Кула участвує зоз 4 милиони динари, НСЗ з до 1,5 милиони и кулска општина уж уплацела спомнути пенєж.
З Програму будзе облапена 61 нєзанята особа прейґ явних роботох, а як з тей нагоди поведзене, пошвидко на веб-сайту Општини Кула будзе розписана Явна поволанка подприємством за орґанизованє явних роботох.