ЖАБЕЛЬ – Шицки штири апатики Дому здравя Жабель зоз просториями у Жаблю, Чуроґу, Дюрдьове и Ґосподїнцох, котри дати под закуп власнїкови ланцу „Здравствена установа – апатика Янкович”, пошвидко почню робиц.
На явней лицитациї, котра отримана остатнїх дньох новембра, „Здравствена установа – апатика Янкович” була єдини кандидат, а просториї апатикох видати на петнац роки.
– Шицки заняти у апатикох Дома здравя Жабель останю у роботним одношеню, а плануєме прияц ище роботнїкох. Плановали зме же апатики отвориме скорей, а кед будзе як тераз плануєме, отвориме их на пондзелок 20. януара, гварел власнїк апатики Милорад Янкович.
Шицки штири апатики Дома здравя Жабель престали робиц 6. децембра.