БЕОҐРАД – За шицких котри думаю же су жертви мобинґу пошвидко будзе активована телефонска услуга „СОС мобинґ”, прейґ хторей годни дознац цо подрозумює мобинґ и як ше можу защициц од такей форми насилства.
Услугу „СОС мобинґ” пошвидко годно безплатно наволац на число 0800-300-601. Сервис будзе доступни 24 годзини, а розварки з правну службу Републичней аґенциї за мирне ришованє спорох на роботи буду од 07,30 до 15,30 годзин.
Пре подзвигованє свидомосци о забрани злоставяня на роботи, проєкт „СОС мобинґ” запровадзую спомнута аґенция и Министерство за роботу, обезпечованє роботи, социялни и борецки питаня.