БЕОҐРАД – Шицки гражданє по конєц рока муша заменїц паперово здравствени кнїжочки з чипованима, у хторих буду писац шицки потребни податки о пациєнтови, сообщел Републични фонд за здравствене осиґуранє (РФЗО). Карточка оможлїви приступ ґу електронскому картону, та лїкар у гоч хторей часци держави може мац увид до здравственого стану пациєнта.
Виробок карточки кошта 400 динари, а социялно загрожени особи и новонародзени дзеци карточку достаню безплатно.
Видаванє нових и замена старих карточкох ше окончує у филиялох Републичного фонду за здравствене осиґуранє, а о процедури и потребних документох ше мож поинформовац у филияли РФЗО.