По лєпшу цену, у чардакох

автор ртв/сен
890 Опатрене

НОВИ САД/КОЦУР – Урядово оцени гваря же штреднї урожай кукурици того року будзе од 3,5 до 4 тони по гектаре, цо менєй як прешлого року. Урожаї тераз розлични аж и у истих хотарох, у зависносци од парцели, та на дзепоєдних зазначене аж 12 тони зарна по гектаре, а даґдзе и менєй як тона, пише РТВ.

На Продуктней берзи цена кукурици 17,6 динари, но продукователє ше нє опредзелюю за предаванє, та велї кукурицу лаґерую до чардакох и буду чекац вигоднєйшу цену.

Як за РТВ гварели польопривреднїки з Коцура, перши урожаї дакус менши як прешлорочни, а и цена нїзка, та ище нє роздумую о предаваню. Менши продукователє кукурицу попредаю на яр, кед им будзе потребни репроматериял за шатву.

ПОВЯЗАНИ ТЕКСТИ