КУЛА – Нєзадовольни роботнїки фабрикох у предликвидациї у кулскей општини ше знова позберали пондзелок, 23. новембра, и попри тим же сцигли одвити на їх поставени питаня на першим протестним сходзе 9. новембра. Як поведзене – у одвитох за нїх нїч нє ришене, бо лєм потвердзене тото цо знали.
И далєй нє познате прецо часци роботнїкох Штофарнї виплацени поглєдованя з Фонду солидарносци, а часци нє, гоч шицки роботнїки вєдно укладали до того фонду.
Нєзадовольни з терашнїм станом, ришенє своїх проблемох роботнїки одлучели глєдац там дзе ше водзи поступок о предликвидациї – у Привредним судзе у Зомборе.
На другим протестним сходзе, пондзелок, 23. новембра, представительох „Кулских штофох”, Истри” и „Крамеру” у Општини Кула прияла предсидателька Скупштини општни Снежана Мркаич, од котрей роботнїки вимагали же би им обезпечела превоз до Зомбора, гоч су, як наглашели, до Зомбора порихтани пойсц и пешо.