АПОСТОЛСКИ ЕҐЗАРХАТ – У парохийох нашого Апостолского еґзархату хтори ше притримую юлиянского календару нєшка швето Рождество Пресвятей Богородици – Мала Матка Божа, а у Дюрдьове нєшка и Кирбай.
Тото швето спада до найвекших церковних Марийових шветох, а преславює народзенє Богородици од родичох Йоакима и Ани у Назарету. По оцовим боку Мария походзела з царского Давидового, а по мацери з первосвященїцкого роду.