НОВИ САД – Фестивал „Ружова Заградка 2017”, 27. по шоре, будзе 5. марца идуцого року, а конкурс за нову руску народну шпиванку отворени по 16. децембер того року.
На конкурсу за Фестивал „Ружова Заградка 2017” можу участвовац шицки композиторе и текстописателє державянє Републики Сербиї и странски державянє, з тим же єдна особа може буц коавтор найвецей двох шпиванкох. Подношитель прияви, односно композитор, чи писатель тексту, у прияви можу предложиц вокалного солисту за свою шпиванку.
З приявох хтори сцигню, Комисия менована з боку Явней Медийскей Установи Войводини вибере 16 шпиванки хтори буду виведзени на Фестивалє.
Конкурс за „Ружову заградку” у цалосци мож опатриц и на правим боку сайту „Руского слова”, односно Рутенпресу.